Медбике кеңесі: "Баланың денсаулығы біздің қолымызда"

Баланың денсаулығы – отбасының, қоғамның және елдің болашағы. Ата-ана ретінде әрбір баланың дұрыс өсіп-жетілуіне жағдай жасау – біздің басты міндетіміз. Төменде баланың денсаулығын сақтау мен нығайтуға бағытталған маңызды кеңестер ұсынылады.

1. Дұрыс тамақтану – денсаулық кепілі

• Баланың рационы теңгерімді болуы тиіс: көкөністер, жемістер, сүт өнімдері, ет, балық және жармалар.

• Тәтті, газдалған сусындар мен фаст-фуд өнімдерін шектеу қажет.

• Тамақты уақытылы, күніне 4–5 рет беру маңызды.

2. Гигиеналық дағдыларды үйрету

• Қолды сабындап жуу – жұқпалы аурулардың алдын алудың қарапайым әрі тиімді жолы.

• Тіс тазалығы, шаш пен тырнақты күтіп ұстау – жеке гигиенаның негізгі бөлігі.

3. Дене белсенділігі мен таза ауада серуен

• Балалар күніне кем дегенде 1–2 сағат таза ауада жүруі керек.

• Қозғалыс ойындары мен дене жаттығулары ағзаны шынықтырып, иммунитетті күшейтеді.

4. Уақтылы екпелер мен дәрігерлік бақылау

• Ұлттық екпе күнтізбесі бойынша екпелерді уақытында алу – ауыр дерттерден қорғану тәсілі.

• Жылына кемінде бір рет профилактикалық тексеруден өту ұсынылады.

5. Психологиялық жайлылық

• Баламен жиі сөйлесіп, оны тыңдай біліңіз.

• Баланың эмоционалдық жай-күйіне көңіл бөліп, сүйіспеншілік пен қолдау көрсетіңіз.

Есіңізде болсын, әрбір дені сау бала – бақытты отбасының және жарқын болашақтың кепілі!
Сау бала – ел болашағы.