11
ноябрь
2025
Ойын: "Ертегілер елінде"
1. «Бауырсақты құрастыру» (Шығармашылық жұмыс)
Мақсаты:
– Ұсақ қол моторикасын дамыту;
– Пішіндер мен түстерді ажыратуға үйрету;
– Эстетикалық талғамын қалыптастыру.
Қалай өткізіледі:
– Балаларға түрлі түсті қағаз, дайын қиылған дөңгелек, көз, ауыз, бет элементтері беріледі.
– Балалар қағаз бетіне бауырсақтың бейнесін құрастырады (аппликация).
– Тәрбиеші: «Бауырсақтың көңіл күйі қандай болсын? Қуанышты ма, ашулы ма?» – деп бағыт береді.
Тақырыбы: «Бауырсаққа достарын табуға көмектесейік!»
Мақсаты: балалардың ертегі мазмұнын есте сақтауын, кейіпкерлерді тануын, ойлау және логикалық қабілеттерін дамыту.
Жүргізілуі:
А4 қағазында «Бауырсақ» ертегісінің басты кейіпкері – бауырсақтың суреті ортаға жабыстырылады.
Балалар ертегі мазмұнына сүйене отырып, бауырсақтың жолыққан достары – Қоян, Қасқыр, Аю, Түлкі суреттерін тауып, бауырсақтың айналасына дұрыс ретпен орналастырып жабыстырады.
2. «Кейіпкерді тап!» (Дидактикалық ойын)
Мақсаты:
– Баланың есте сақтау, тыңдау, ойлау қабілеттерін дамыту;
– Ертегі мазмұнын бекіту.
Қалай өткізіледі:
– Балалар шеңберде отырады.
– Тәрбиеші сипаттама береді:
«Ол орманда тұрады, ұзын құлағы бар, сәбізді жақсы көреді...»
– Балалар: «Бұл – Қоян!»
– Барлық кейіпкерлерді осылай табады: Қоян, Қасқыр, Аю, Түлкі.
– Әр кейіпкер табылған сайын суретін немесе маскасын көрсетіп, сипаттамасын қайталайды.