22
сентябрь
2025
"Біздің бөбекжай-бақша" ата-аналарға арналған бөбекжай-бақша ішілік экскурсия
"Біздің бөбекжай-бақша" тақырыбындағы таныстыру экскурсиясыБөбекжай-бақша меңгерушісінің бастамасымен ата-аналарға арналған ашық есік күні ұйымдастырылып, "Біздің бөбекжай-бақша" тақырыбында экскурсия өткізілді. Іс-шараның мақсаты – ата-аналарды мекеменің материалдық-техникалық базасымен, оқу-тәрбие процесімен, топтардың ерекшелігімен және баланың күн тәртібімен таныстыру.
Экскурсия барысында ата-аналар топтарды, балалардың жатын бөлмелерін, музыка бөлмесін, психологиялық және логопедиялық бөлмелерді, "STEAM" , "Эко" кабинеттерін аралап көрді. Меңгеруші ата-аналарға бөбекжайдың қызметі, балалармен жұмыс формалары мен әдістері туралы толық ақпарат беріп, тәрбиеленушілердің дамуына бағытталған бағдарламалармен таныстырды.
Ата-аналар тарапынан қызығушылық танытып, мазмұнды сұрақтар қойылып, балаларының ортаға бейімделуі мен дамуындағы тәрбиешілердің рөлі жайлы оң пікірлер айтылды.
Ұсыныс ретінде ата-аналар мен педагогтер арасында ашық байланыс орнату, осындай кездесулерді жүйелі түрде өткізу, үй мен балабақша арасындағы ынтымақтастықты нығайту ұсынылды.
Меңгерушінің кеңестері:
- Балабақшамен тығыз байланыста болыңыз. Тәрбиешілермен және мамандармен үнемі пікірлесіп, бала дамуын бірге қадағалаңыз.
- Баланың күн тәртібін, күнделікті режимін сақтауға көмектесіңіз.
- Үйде де мейірімділік пен жылы қарым-қатынасты сақтап, баланың тұлғалық дамуына қолдау көрсетіңіз.
- Балаңыздың жетістігіне қуанып, әрбір кіші жеңісін қолпаштап отырыңыз.
- Топта үйренген білім мен дағдыларын үйде қайталап, бекітуге көмектесіңіз.