Ата-аналардың сұранысы бойынша жеке жұмыстар
Ата-аналардың сұранысы бойынша жүргізілген
жеке жұмыстар туралы мәлімет
Өткізу мерзімі: 2025 жылғы қыркүйек – мамыр
Мақсаты:
Ата-аналардың өтініші негізінде 2–5 жас аралығындағы балалардың жеке ерекшеліктерін ескере отырып, психологиялық-педагогикалық қолдау көрсету, дамуындағы қиындықтарды анықтап, алдын алу.
2024–2025 оқу жылында №13 бөбекжай-бақша базасында ата-аналарға арналған консультациялық пункт өз жұмысын белсенді түрде жалғастырды. Бөбекжай-бақшаның сайттарында хабарландыру берілді. Консультациялық пункт жұмысының жоспары, ержесі бекітілді.
Хабарландыру бойынша келген ата-аналардан өтініштер қабылданып, сауалнама толтырылды, консультациялық пунктке келетін балалардың тізімі құрастырылды. Өтініш білдірген 5 ата-ана.
Ата-аналар консультациялық пунктке алдын ала жазылып, жеке қабылдауға келді.
Сұраныстар келесі мәселелерге қатысты болды:
Балалардың таным процестерін дамыту, қорқыныштар мен өз-өзіне сенімсіздік, құрдастарымен қарым-қатынас қиындықтары, мінез-құлықтағы қыңырлық туралы, мектепке психологиялық дайындық , балабақша мен үйдегі дамыту орта туралы.
Тізім бойынща жас ерекшелігіне сай психологиялық диагностикалық әдістемелер қолданылды:
"Сурет бойынша әңгіме құрау"; "Жануарлар арқылы эмоцияларды тану" ойыны;
"Мен баламын" өзін-өзі тану ойыны, саусақ жаттығулары арқылы моториканы бақылау.
Әр ата-анамен жеке кездесулер ұйымдастырылып, баланың дамуындағы ерекшеліктер мен қажетті қолдау түрлері түсіндірілді.
Кеңесте:
Үй жағдайында дамыту ойындарын қолдану;
Тыныш және қауіпсіз орта қалыптастыру;
Сөйлеу тілін дамытуға бағытталған тапсырмалар ұсынылды;
Баламен эмоционалдық байланыс орнату жолдары түсіндірілді.
4. Түзету-дамыту жұмыстары (балалармен):
3 балаға қысқа мерзімді психокоррекциялық жұмыс жүргізілді:
Сөйлеуді белсендендіруге арналған ойындар;
Рөлдік ойындар (отбасы, балабақша, дүкен);
Эмоцияны білдіру жаттығулары (айнамен жұмыс).
Ата-аналардың өтініші негізінде 2–5 жас аралығындағы балалармен жеке жұмыстар жүргізілді. Ата-аналар консультациялық пунктке қатысып, балаларының даму ерекшеліктері бойынша қажетті кеңес алды. Жүргізілген жұмыстар нәтижесінде балаларда сенімділік, сөйлеу белсенділігі, қарым-қатынас дағдысында оң өзгерістер байқалды. Ата-аналар тарапынан оң пікірлер мен алғыстар айтылды.